ԼՈՒՐԵՐ

Մամուլի ազատության համաշխարհային օրը՝ մայիսի 3-ը նշանավորելու նպատակով Ինֆորմացիայի ազատության կենտրոնը ԱՄՆ Միջազգային զարգացման գրասենյակի, ԵԱՀԿ Երեւանի գրասենյակի և ՄԱԿ-ի Հանրային տեղեկատվության վարչության հետ համատեղ կազմակերպում է ֆոտոցուցահանդես՝  ՙՄամուլի ազատություն, Տեղեկատվություն ստանալու իրավունք՚ ՚  խորագրով։

Երիտասարդները, քաղաքացիական հասարակության ակտիվիստներն ու տեղի իշխանությունները իրենց ՄԱԿ-ի գործընկերների հետ միասին հնարավորություն կունենան կազմակերպել ՄԱԿ-ին վերաբերող մշակութային, կրթական և այլ միջոցառումներ տեղի համայնքի համար և համատեղ լուծումներ քննարկել տեղական խնդիրների համար:

ՄԱԿ ՀՏՎ-ի աջակցած այս ֆորումում մասնակիցները նաև քննարկեցին ՙՏարածաշրջանային կամ փոքրամասնությունների լեզուների եվրոպական խարտիայի՚, ՚Ազգային փոքրամասնությունների պաշտպանության շրջանակային կոնվենցիայի՚ և ՄԱԿ-ի մարդու իրավունքների փաստաթղթերի կիրառումը Հայաստանում:

Ողջունելով հյուրին` վարչապետը շնորհավորել է նրան ՀՀ-ում ՄԱԿ-ի մշտական համակարգողի պաշտոնում նշանակվելու առթիվ եւ շնորհակալություն հայտնել ՀՀ-ում ՄԱԿ-ի առաքելության պատասխանատու գործն իրականացնելու համար։ Տիգրան Սարգսյանը նշել է, որ Հայաստանը բարձր է գնահատում համագործակցությունը ՄԱԿ-ի հետ` կարեւորելով համատեղ ծրագրերի իրականացման շարունակականությունը։

Աշխարհի յուրաքանչյուր անկյունում կանայք են հանդիսանում հասարակության հյուսվածքի կերտողները, և հավասարությանն ուղղված առաջընթաց է տեղի ունենում: Այսօր աճում է դպրոց հաճախող աղջիկների, պետական պաշտոններ զբաղեցնող և վճարովի աշխատանքից օգուտ ստացող կանանց թիվը:

Արվեստի ավելի քան 100 աշխատանքներ, ներառյալ` գեղանկար, գծանկար, բատիկա, գոբելեն և խեցեղեն, ցուցադրվել էին ՄԱԿ-ի գրասենյակում և գրավել ուսանողների, դասախոսների, միջազգային համայնքի, քաղաքացիական հասարակության, լրատվամիջոցների և հանրության ուշադրությունը:

Տասնմեկ ազգային փոքրամասնությունների ներկայացուցիչներ, ինչպես նաև կառավարության և օրենսդիր մարմնի պաշտոնյաներ հավաքվել էին այսօր կլոր սեղանի շուրջ` քննարկելու Հայաստանում ազգային փոքրամասնությունների հավասար իրավունքների ու հավասար հնարավություններին վերաբերող հարցեր: Միջոցառմանն աջակցում էր ՄԱԿ-ի Հանրային տեղեկատվության վարչությունը և նվիրված էր Մայրենի լեզվի միջազգային օրվան:

Երևանի պետական համալսարանի սոցիոլոգիայի ֆակուլտետի ուսանողները հրավիրվել էին ՄԱԿ-ի գրասենյակ` մասնակցելու ՄԱԿ-ի կամավորներ ծրագրի կողմից նախաձեռնված, ԵՊՀ սոցիոլոգիայի ֆակուլտետի ուսանող Հակոբ Մաթևոսյանի աջակցությամբ կամավորության վերաբերյալ իրականացված սոցիոլոգիական հետազոտության արդյունքների քննարկմանը:

ՀՀ փոխվարչապետ, տարածքային կառավարման նախարար Արմեն Գեւորգյանն այսօր ընդունեց Հայաստանում ՄԱԿ-ի մշտական համակարգող, ՄԱԿ-ի զարգացման ծրագրի մշտական ներկայացուցիչ Դաֆինա Գերչեւային:

Փետրվարի 23-ին ՀՀ սփյուռքի նախարար Հրանուշ Հակոբյանն ընդունեց ՄԱԿ-ի հայաստանյան գրասենյակի նորանշանակ մշտական համակարգող/ՄԱԶԾ մշտական ներկայացուցիչ տկն.Դաֆինա Գերչեւային եւ նրա ավագ խորհրդական Արմեն Բայբուրդյանին:

Այսօր, ՄԱԿ-ի հայաստանյան գրասենյակում տեղի ունեցավ ՄԱԿ-ի Բնակչության հիմնադրամի ՙԸնդդեմ գենդերային բռնության Հարավային Կովկասում՚ ծրագրի շրջանակներում իրականացված ՀՀ Օրենսդրության գենդերային տեսանկյունից փորձաքննության արդյունքների զեկույցի շնորհանդեսը:  Միջոցառման նպատակն էր ներկայացնել ազգային և միջազգային իրավական փորձագետների խմբի կողմից իրականացրած փորձաքննության արդյունքները:

Հայաստանում գործող ՄԱԿ-ի գործակալությունները, ծրագրերն ու հիմնադրամները կազմակերպեցին հանդիպում քննարկելու 2009թ. իրենց նվաճումները և նախանշելու ռազմավարական միջամտության ոլորտները 2010թ. համար, որոնք լիովին համահունչ կլինեն ազգային առաջնայնություններին և կիրականացվեն ներդաշնակ և համակարգված ձևով: